菜式份量大 會員半價優惠

餐廳提供舒適、輕鬆、歡樂既環境給顧客用餐，地點都比較近MTR，好方便又啱同朋友聚會或者收工食飯。菜式份量大，並設有會員半價優惠，包括經典菜式經典燒排骨同特級肉眼扒。旺角店平日晚上5-10pm 最平$88就可1小時任飲5款酒精飲品。 以下都係會員半價後既價錢，但加一服務費就要以原價計算 🌟Dips & Corn Tortilla Chips香脆粟米片 $59 可以揀車打芝士醬配煙肉粒、墨西哥辣肉醬，脆脆既粟米片特別適合飲野既時候食 🌟Half Fork-Tender Ribs 經典燒排骨 $174 有半份同全份，我地叫咗半份都好大份，2-3人share 都可以，表面塗滿BBQ醬，帶少少焦香微甜，幾好食 🌟Pulled Pork Quesadilla 手撕豬墨西哥烤薄餅 $159 用薄餅包住手撕豬同芝士去焗，會有少少辣 🌟蜆肉意大利面 $119 醬汁同蜆肉既份量都好足夠，醬汁帶少少酸，仲有啲蕃茄粒 🌟朱古力暖心蛋糕 $84 呢款唔係心太軟，係朱古力蛋糕上再加咗啲朱古力醬，朱古力醬味道濃郁偏苦，朱古力蛋糕幾軟，可以配埋雪糕食 🌟蘋果脆趣 $44 底到有肉桂蘋果片，再放上脆脆去焗，唔會好甜膩 📍Ruby Tuesday @rubytuesdayhk #熱門菜式